ULALA T’IKA JUTURI
Qillqari: Carlos León
Juk karu llaqtitapi K’ara K’ara nisqapi, pisi runamasis
tiyakurqanku, mana karqachu yachaywasi, chayraykutaq wawas rinanku karqa jantun
llaqtakama.
Kaypi kimsa juchuy lluqallas pukllarispa parlachkarqanku
yachaywasiman rinankumanta, juknin karga
Roberto sutiyuq, pichus astawan atiyniyuq yachakunapaq karqa, wakin wawastaq karqanku Genarowan, Florenciowan,
chunka watayuqkama, sapa juk, Wasa Mayu nisqapi wayt’arichkarqanku.
Jina ch´aqwarispaqa Robertoqa ñin, killachaw p’unchaypi
rinanchik kachkan yachaywasiman, achkatapuni munani tinkuyta wakin yachakuq
masisninchiqwan, puqllarisunchik papawki
jayt’aypi.
Genarotaq ñin: Ñuqa
qhillakuni riyta llaqtakama, tatayta nirqani cicluta rantipunawanta, paytaq
mana munanchu.
Chaypitaq Florencioqa ñin, pero mana karuchu rinanchiqqa,
puqllarispa puqllarispa kachaykukusun, khuskallataq kutimpusun, qam ima
ninkitaq Roberto.
Robertotaq umanman makin churaykuspa, tumpa t’ukurispataq ñin:
Ari Genaro, ñuqanchik kimsa qayna watamantapacha khuskallapuni rinchik
yachaywasiman, kimsantillanchikpuni
puriykachananchik tiyan, chayta nispaqa t’ukurillantaq chanta nin: imatachus
yachachiqninchik quwasunchik, ruwana
kanqa usqayllata mana qhipapi qhiparinapaq, sumaqta umacharikuna kachkan,
ichari Genaro? Tapun Robertoqa.
Chaypitaq Genaro nin:
ari Roberto, sumaqta yachakunanchik tiyan, mana tatasninchik jina
qhiparinapaq, paykunaqa mana qillqayta, ñawiriyta yachankuchu, mana paykunaqa
yachay wasiman rirqankuchu, chayrayku ñuqanchikqa sapa p’unchay yachaywasiman
usqayllata thaskirina kanqa, chaypi yachakamuna kachan. Ichari Florencio?
Florenciotaq kutichin nispa, qamqa anchatapuni yachay
wasiman riy munanki Roberto.
Robertotaq nin: Ari ñuqa yachakunay tiyan qhipaman kanaypaq
imallapis, chaywantaq tatasniyta yanapanaypaq,
sumaq kawsayman chayanankupaq, ñuqaqa jatun jampiq, kayta munani,
chaypaqtaq jatun yachaywaspi
chayanay kachkan, sumaqta
umacharikunay kachkan.
Waliq chayqa Roberto, qam atinki, sumaq umayuq kanki, qamqa
karuta chayanki, tataykiwan, mamaykiwanqa anchatapuni kusikunkuman jatun jampiq qamta rikususpaqa.
Robertoqa chayta uyarispaqa t´ukurin, nintaq: jinapis,
achkha qullqita tantananku tiyan chaypaqqa, sut´intataq tatayqa niwan, ama
waway qullqimantaqa llakikuychu, jatun yachay wasiman rinaykipaq achkhata llamk´asaq, sunnquyku khallallarinman qamta
juk jatun runata rikuspa, , wawqimasinchikta japiqta rikuspa.
Chayta parlayta uyarispaqa Genarowan, Florenciowanqa, juk
ratu ch´inyarparinku, umitasninku ukhupiqa tukuy ima muyuykachasarqa, chaypitaq
Robertoqa nin: Florencio, ch´inyarparinkichikqa.
Florenciotaq juk puñuymanta rich´arinmampisjina nirqa,
umallikuchkarqani imatachus ñuqa qhipaman kayta mjnayman, maymanchus yachakuq
risaq, ñuqa yachachiq, kayta munayman, lluqallitusta yachachiyta munani
papawkita allin jayt´anankuta munani.
Genarotaq kutichirqa, ñuqaqa mana yachanichu imataraqchus
ruwasaq, Tatay anchata unqun, manataq qullqi kanchu, agronomía nisqaman yachaywasiman yaykuyta munayman.
Jinata parlarichkaptinkuqa ch´isiyaykuy qallarisqanta
umacharikusqanku. Chayrayku usqayllata Robertoqa nerqa: Jaku ripuñallana, tatasninchik
rimawasunchik, q´aya tutamanta yachaywasiman rinanchik tiyan. Kayta uyarispaqa
sapa juk usqayllata wasinkuman
ripurqanku. Hasta aquí he corregido y tratado mejorar la escritura y un tanto
la estructura básica de la oración quechua. No creo que este texto sea para una revista, no es
específicamente un cuento, tampoco una novela, además es muy largo para una
revista, además de repetitivo, y cansador. Sugiero pedirle al autor que resuma
y que se enmarque mas en el formato de un cuento. O CAMBIAR POR OTRO CUENTO.
K´ayantin p´unchayga tutamanta tinkorqanku wasamayu ñisqapi,
chaypitaq juk waka puriykacharichskarqa.Piqpatachus chay waka, tapun
Genaro,Florenciotaq ñin lloqallitustaqa, chay wakaqa Justinaqpata yaku
uqyaqchiqcha pusamunku.
Jakullaña rimarin Genaroqa, usqhaytataq kimsantin
kachaykukorqanku yachay wasi ñanman, ch´aqwarispa paykunaqa chinkaykunku ñantaqa.
Ñapis karu thasquirispaqa, Robertoqa
sayaykun imapis jap´iykuman karqajina.
Roberto imarayku sayaykunki, ima tiyan, tapun Floprencioqa,
thaskimuy usqayta,yachacheqwan rimachikusunchaq.
Chayta uyarispaqa Robertoqa chimpaykun lloqallitusmanqa,
kutichintaq, jaqay urqupi, chay pinkas sutiyuqpi, sumaqtapuni juk ulala t´ikata
qhawarichkarqani, anchatapuni sonqoyman yaykuykuwan chay ulala t´ikaqa, astawan
jatum uqninkunamanta y k´ancharintaq sumaq yuraqllata,orqhorqoy munayman ñin.
Ancha patapi kachqanku mana atikunmanchu, rimarin
Florencioqa. Chaypitaq Genaroga nillantaq, mana sina atisunmanchu urqhuyta.
Rimarintaq qhepantaqa, anchata parlaspalla kachsqanchiq, mana yachay wasiman
chayay atisunchu,jakullaña usqayta, yachachiqninchiq rimawasunchiq.
Robertotaq kutichin, ari, ñoqapuni kani juchayoq chaypi
sayarparini. Chay ulala t´ikita sonqoy suwarpariwan, chayraykutaq qhawarini.
Chayta ñispataq jukllata Robertoqa thaskirin, qhipantataq
juknin lluqallitustaq thasquirillankutaq, qinataq tumpa sayk´usqas yachay
wasimanqa chayaykunku, tumpa thañirinku y ñinkutaq, manaraq tukuychu
chayamunku, kosallata chayamunchiq ñoqanchiq.
Pisiman pisi waquin yachakoqkuna y Yachachiqkunataq chayaykamunku,qhepantataq
chayaykamun Umalliq, paypaq qhepantataq tukuy yaykunku ch´insitumanta. Sumaq p´unchay
Yachachiqkuna, sumaq p´unchay yachakoqkuna ñin, kunan qallarichqanchis
ruwaykuna wakichisqata, qankuna yaykunquichis, llankarinquichiqtaq allinta, ñawpaqman
thasquirinanchiqpaq.
Chayta uyarispataq tukuy yachakuqkuna yaykurqanku yachana
uqhuman, chaypitaq Yachachiqqa allin kusisga nirqa, sumaq p´unchay kachun
yachakoqkuna, yachakoqkunataq kutichirqanku, allin p´unchay Yachachiq.
Kunan qallarisunchiq qillqayta,nerqa yachachiq, sapa juk
yachakuq p´anqayquichaqta, qillqanayquichaqtawan jamp´ara pataman churaychiq,
kunantaq qillqenkichiq, churaychiq imatachus ñuqa kamachimusaykichiq
yachanaykichiqta.
Jukmanta juk napaykuyta yacharisunchiq, wasiyquichaqpitaq
qankunaqa ruwanquichiq imatachus ñuqa yachachisqaykichiq, qhepantataq
wawqimasiykichaqwan tapunarikuyta atiriwaqchik qankuna yachakusqaykichaqta,
kunan wataqa allin llank´arinanchiq tiyan.
K´ayataq ñoqa qankunatañataq
tapurisayquichiq,rimanakuytaq kanqa k´ala
yachakuqkunawan,
Chayta tukuytawantaq yachachiqqa ñin kunan p´unchayqa
tukunchiq waquichisqayta, k´aya riqsisunchiq quichwa qalluta, kunan ñoqaqa
ripullasaqña, umalliq waqyachimuwayku rimarinaykupaq, qhepantataq ñin, k´ayakama
yachakoqkuna, lloqallitustaq ñinku k´ayakama yachachiq.
Chayta ñispaqa k´ala lloqallitusqa ch´aqwarinku ancha
kusisqas, usqayllata lloqsipunku yachaywasimantaqa, wakinqa wasinkuman usqayta
kachaykakapunku, wakintaq pujllariq churayukunku.
Robertoqa ñan patapiña suyarichskarqa wauqimasinkunataqa,
piskunachus puqllarikusarqanku papawkiwan, mana riqhurimoqtinkutaq ni
Florencio, nitaq Genaro, t´ukuriytawan ñin, usqayta wasiyman chayanay tiyan, ñoqaqa
ripullasaqña, usqaytataq thasquirin.
Jinataq ñanta thaskirisaspaqa, ña karumantaqa chay jatum
ulalataqa rikhunpacha, sayaykuspataq ñin, imaynata jaqay k´acha ulalata
urqhuyman nerqa.
Tumpata thaskillantaq, qhawarin ulala t´ikata, qallarintaq
llok´ayta urqutaqa, atin mana atin chay ulalaq uranmanqa chayaykun. T´ukurin, ñintaq
ancha patapapipuni kachsqan,wateqmantataq ñillantaq imaynata, ruwayman
urqhunaypaqri ñispa tapurikurqa.
Qhawaykachan patataq uratataq, mana ni imata tarinchu
urqhunampaq ulalataqa, chaypitaq rikun jatun rumis kachqanta, chay rumistataq
churan patampi patampi,chaypitaq llok´aq churakun manataq atinchu, chay rumisqa mana allín
sayanchu.
Robertoqa mana rikunchu p´unchay ripusqantaña, munarqapuni
ulalataqa urqhurqoyta y wateqmanta qallarintaq llok´ayta rumis patamanqa,
chaypitaq jukllata patata qhawarin, jap´in ulalataqa, rumistaq kuyurirparim,
urmaykamuntaq, pampapeqa t´akakum umantaqa, wañusqa jinataq wich´ureaskarqa,
yuyayninta chinkachirqa.
Laqhayaykamusaqtinña tatan Robertoqtaqa warminta ñin,Juana,
Juana, manaqa wawayqui chayamunchoqa, Genaroq wasinman jukratu
rerqosaq,tapurqamusaq sichus Genaro chayamunñachus.
Jinataq usqayllata kachayukorga, chayaytawantaq qhaparerqa
Genaro, Genaro. Uyarispa sutinta Genaroqa usqayllata lloqserqa nerqataq, sumaq ch´isi tata Angel, sumaq ch´isi
waway, kutichin tata Angelqa y tapuntaq, mana Robertoyta riqhunqui, mana kunan
kama chayamunchu. Genarotaq kutichillantaq, mana rikhunichu Robertota, kunan
sut´iyay pay ñawpamusqaña, manaña tinkuniñachu qhepamanqa.
Tata Angelqa umanman makisnin churaykuspaqa t´ukun y ñintaq,
mayman rinman karqa kay lluqalla. Ichas chayamunqaña. Chayta ñispataq nerqa,
jukratu kama Genaro, jukta kutirispataq kachaykakapun wasinman, chaypitaq
warminta ñin. Genaroqa wasimpiña kachskasqa, mayman rinman karqa Robertonchaq,
Mama Juanataq anchatapuni makisnin khiturakuspaqa nerqa, yachachiq wasinmanchu
rinman karqa?, juk kuti jinallatataq laqhayaykuytaña chayaykamorqa.
Arí qina karqa, ñin Tata Angelqa, jukratutawan
suyarinakanqa, riqhurimunqañacha,mana jina kaqtinqa risaqcha llaqtata mask´aq.
Cocata ch´uspanmanta orqhospa Tata Angelqa puriykachan wasin
uqhupeqa, manapunitaq Robertoqa chayamunchu, chayraykutaq warminman
chimpaykuytawanqa nerqa, Juana manapuni wawanchiq chayamunchoqa, mask´aq
llaqtaman kachayukusaq.
Chayta ñispaqa, ponchon churaykukun y usqaytataq rirqa.
Llaqtaman, chayaykuytawantaq Yachachiq wasinman chimpaykun, punkuta takan,
Yachachiqtaq pitaq ñispa qhaparimun. Uqhumantaqa, Tata Angeltaq, ñoqa kani
Tatay, ñispa kutichin.
Juk ratunmantqa Yachachiqqa lloqsimun, sumaq ch´isi tata
Angel ñin, sumaq ch´isi tatay kuticherqa tata Angelqa, Tatay mana kaypi
Robertoy ñispa tapun. Yachachiqtaq kutichin, mana Roberto kaypichu, kunan sut´iyay,
sapallan kachaykukusarqa wasiykimanqa.
Tata Angeltaq k´ala llakichqa ñin, Tatay wasiymanta
lloqsimunaykama waway mana chayamorqachu. Yachachiqtaq kutichirqa, mayman
rinman karqari ñispa tapukun, Florenciowan y Genarowan ima, kimsantillankupuni
puriykachankoqa, paykunata tapuq rirqankiñachu?
Ari Tatay tapukamuni, ñispa nerqa. Paykuna papawki
puqllanankukama, Robertoyqa ñauparichqa wasiyman. Mana ni imata ruway atispaqa
Tata Angel Yachachiqtaqa ñin k´ayakama Tatay kachayukullasaqña, manaña
riymanchu mask´aq, mana yachanichu piskunachus kanku wauqesnin.
Yachachiqtaq kutichin, ama anchata llakikuychu Tata Angel,
wawayqui sumaq lluqallitu, wasiyquipiñachus kachqan, allinllata ripuy Tata
Angel. Sumaq chisi Tatay ñispa Tata Angelqa usqayllata wasinmanqa
cachaykukorqa.
Ña chayasaqtinqa tinkurqa Tata Cirilu y Tata Benitu
nisqawan. Paykuna karqanku Florencioqpata y Genaroqpata Tatasninku, piskunachus
chimparqanku tata Angelmanqa ñispa. Sumaq chi´si Angel, maná Robertituta
tarinki?, wawasniyku willawarqayku mana chayapusqanta wasiykiman, chayrayku
qanta taripaq jamuchkarqayku.
Mana tarinichu ñispa kuticherqa Tata Angelqa, Yachachiq
wasinman rirqani, mana chaypichu kachsqan wawayqa, manataq yacharqanichu mayman
ima riyta mask´aq lluqalluytaqa, chayraykutaq kutimpusarqani, ichus wasiypiña
kachqan, chayta ñispataq, usqayllata thaskirinku kimsantin wiraqhochasqa Tata
Angel wasinkamaqa.
Chayaykuytawan tata Angel wasinmanqa usqayllata yaykun y
qhaparintaq Juana, Juana, Robertonchiq kaypiñachu ñispa tapun. Mama Juanaqa
lloqsimun waqaspa y ñintaq, mana Angel lluqallunchiq manapuni chayamunchu,
imachus pasanman karqa. Genaroq Tatanqa chaypi rimarin, mana ñuqa
umallichikunichu ima pasananta, Angel k´aya tutamanta rinanchiq tiyan mask´aq
Robertotaqa nerqa.
Anchatapuni yupaychani qankunata kunan ch´isi
jamusqaykichaqta, k´aya tutamanta risun Robertoyta mask´aq, allin ch´isi kachum
qankunapaq wauqemasis. Allin ch´isi Angel, allin ch´isi Juana,amaña waqaychu, k´aya
wawayqui kaypiña kanqa ñinku tata Benituwan y tata Ciriluwanqa, chayta ñispataq
kachaykakapunku wasinkumanqa.
Ña ch´isiña Robertoqa kutirin,makinta oqharin y jinapitaq
ulalataqa rikhun, mana ulala t´ikataqa kacharisqachu, sayariyta munan y mana
atinchu,ñintaq chaypi sapallan, chakiy nanawachqan phirirparikunichá,
imanasaqtaqri ñin, mana kunanqa nipi kanchu yanapanawankupaq, tatay machk´awasanchá.
Chayta ñispaqa wateqmanta sayariy munan, manallataq atinchu y waqarikuntaq,
manchikuni k´ala laqha kachqan y ulala t´ikatataq manapuni kacharinchu,
jinapeqa waqarikuspaqa sayk´urparin y puñurparillantaq.
K´ayantin p´unchayqa iskaynin wiraquchasqa laqhallaraq
kachqaqtin tata Angelpata wasin punkupiña suyasarqanku, qhaparinkutaq Angel,
Angel kaypiña kachqayku. Tata Angeltaq rimarimun, kay lloqsimusqaniña, tumpa
chirimusqan kay ponchoyta churaykukusaq.
Tata Angelqa ña lloqsimuspaqa ñin, wauqemasis imawan junt´apusaykichiq
qankuna ñoqaykuwan kachqaykichaqta kay llakiyniykupi, usqay thaskirina kachun,
rina kanqa yachay wasiman, chaymanqa Robertoyqa rinqapuni.
K´ayantinqa ña p´unchay patapiña kachqaqtin Robertoqa
richcharillantaq, kuyuyta munan
manapunitaq atinchu, yarqhaytaq, ch´aquiytaq wanchichkarqa,imanasaqtaqri
ñin, mana sayariy atinichu, qhaparintaq pipis uyarinanpaq, ¡mana nipi tiyan ñampi
yanapariwaychis!, manataq nipi uyarirqachu, juktawan qhaparerqa, ¡pillapis
yanapariwaychiq!, manallataq nipi uyarimorqachu.
Chaykamaqa kimsantin wiraqhochasqa jatum llaqtamanqa
thamanku usqayllata, ch´aqwarispataq paykunaga ñantaqa rinku,chay ñan
kachqanmantaqa Robertoqa mana ancha karupichu karqa, manataq Robertoqa
uyarinchu kimsantin tatastaqa ñanta pasaqtaqa.
Tata Angelkunaqa chayankupacha yachay wasimanqa.
Suyarinkutaq Yachacheqwan, Umalliqwam
ima yaykunankuta yachay wasiman. Ñaupaqtaqa
chayamunku Yachachiq, kimsantin tatas qayllaykunku ñispa, sumaq p´unchay tatay.
Yachachiqtaq kutichin, sumaq p´unchay. Manapuni tarinkichiq Robertota?, tapun
Yachachiqqa. Mana tatay, ñin tata Angelqa, wawayqa manapuni chayamunchu
wasiymanqa, ancha llakichqa chaymanta kachqayku. Yachachiqqa nerqa,
riqhurimonqapuni, tumpitata suyarina Umalliq chayaykamunqaña paywan
tantakusunchiq. Juk ratunmanqa Umalliqqa chayamun. Sumaq punchay tatay ñerqanku,
Umalliqtaq sumaq p´unchay ñispa kutichin, qhepantataq tapun kimsantin
wiraqhochastaqa, ñoqatachu suyasqawankichiq; Jinapitaq Yachachiqqa chimpaykum
Umalliqmanqa. Ari tata Umalliq, juk llaquiywan kay tatakuna jamunku yachay
wasiman rimarin Yachachiqqa.
Tata Angeltaq chimpaykuytawanqa ñin, khespichiway Tata
Umalliq, ñoqaykoqa ancha llakichqaspuni rikhukuyku, qaynamanta pacha mana
lluqallay chayanchu wasiyman, chayrayku jamuchkarqayku qampaman
yanaparinawaykupay, qanqa Tatay sumaq yachayniyuq kanki.
Umalliqqa t´ukurin juk ratuta, puriykachan jaqaytataq y kaytataq makisnin wasaman
churayukuytawan, ñintaq, wiraqochas ñoqapis ancha llakisqa kachqani mana
lluqallituyki wasiykiman chayapusqanmanta, mana chayqa allinchu, suyana kachqan
kunantawan, mana k´ayakama riqhurimunqa chayqa, risunchiq Policia nisqaman
yachachiq paykunaman wawayki chinkachqanta kay yachay wasimanta. Chayta
suyasqayku Tata Umalliq nerqa Tata Angelqa, chayta uyarispataq Umalliqqa
kuticherqa allillanta ripuychiq, tapurikuychaqpuni waqemasiykichaqta manachus
riqhunkuman karqa lloqallituykita.
Chaykamaqa Robertoqa wateqmanta rich´arillantaq parlarintaq ñispa,
mana kunankama nipi riqhurimunchu, kay chakiytaq ancha nanaykusqawan,
wateqmantataq qhaparillantaq,¡ Pillapis yanaparihuaychiq!, ¡Pillapis
yanapariwaychis!, nipitaq uyarimunchu, wayralla muyuykachaspa, muyuykachaspa
chinkarin, mana ni ima ruway atispaqa waqallantaq sayk´unankama, ruphaytaq
sinchipuni kachkarqa, simin Robertoqtaqa k´alataña ch´akiykorqa. Jinapis
ulalamantaqa mana kacharikorqachu makillampipuni jap´ichkarqa, manaña ni
kallpitampis karqañachu, simin ch´akiymantaqa k´alataña ch´eqtakapurqa,
yarqhaytaq wanchillaskarqataq, jina kachqaspalla wichu´rkapullantaq,
yuyaynintataq chinkachikaporqa.
Kimsa p´unchayña karqa Robertitu chinkachqanmantaqa, manataq
Tata Angelqa chi´sisninqa puñuqñachu, Mama Juanawanqa waqarikuq kanku
wawanmantaqa. sapa sut´iyay Tata Ciriluwan y Tata Benituwanqa kachaykukuq kanku
mask´aq lloqallitutaqa y ch´isiyaykuytañataq kutimpuq kanku wasinkumanqa.
Jinapeqa juk p´unchayqa ña wateqmanta ripusaqtinkuñaqa
Florencioqa rikhuriykamun k´ala sayk´usqa qhaparispa Tatay, Tatay,ñoqa ch´isi
mosqoyniypi riqhuni Robertota, pay jaqay Urqu patapi kachqarqa, chaypi ulalas
jatum pinkapi tiyan, qanimpamantaña Robertoqa qhawaykachasarqa chaypi ichas
kunitan kachqanman.
Tata Angelqa chayta uyarispaqa nerqa, kunankamaqa mana
chaypichu kachqanman. Chayta uyarispaqa Tata Ciriluqa ñin, Angel ñoqanchisqa
rina kachsqan chay urquman, Florencio pusawasunchiq chaykama. Ari Tata Angel
rinanchiq tiyan kutichin Florencioqa, usqay rina ñoqa pusasayquichis.
Mama Juanataq ñin, ari Angel, mana nimaypi tarinchaqchu
wawanchaqta, waleq kanman qhawarqamunaykichiq, ichas ima pasanman karqa.
Chayta uyarispaqa Tata Angelqa punchun churaykukuytawanqa
jukllata thaskirin, qhepantataq waquin Tatasqa Florenciowan imaqa usqayllata
kachaykukunku urqu cheqanta. Ña juk ratu purisqankumantaqa, Florencioqa ñin,
kayninta Tatay, jaqay patapa juk ulala kaschkarqa, kunan manaña chaypichu,
Robertupuni urqhunman karqa.
Tata Angeltaq nerqa, lluk´ana tiyan usqayllata jaqay
patakama. Ña sumaq patapiña kaspaqa Florencioqa khaparin, Tata Angel, Tata
Angel, jaqaypi kachqan Roberto,pampapi wich´ureasqan, Tata Angeltaq kutichin,
ari riqhuniña wawayta.
Chayta ñispataq jukllata chimpaykun Robertitumanqa,
makisninwan uqharin wawantaqa, ñintaq waway, waway imarayku jamurqanki kay
kama. Robertitutaq wañusqajina Tatampata makisninpi kachkarqa. Tata Angelqa
chayta rikhuspaqa qhaparin sinchita, waway, waway, rich´ariy, mamayki
suyasqasunki wasinchaqpi, manapunitaq wawan kutiriqtinqa, Tata Angelqa ñin,
mana kutirinchu waway imanasaqtaqri nispa tapukorqa. Wañusqa jinaqa nerqa.
Piskunachus rirqanku urqumanqa t´ukuspalla qhawachkarqanku,
paykunapis mana yacharqankuchu imatachus ruwayta, waqayninku ñawisnikumanta t´uqyamurqa.
Tumpata kutirispa yuyayninman Tata Angelqa ñin,
wauqemasis Robertuy mana sina kutirinmanñachu,
jaku ripuna kachun. Ari Angel ñoqa mana wmachakuy atinichu, imaynata wasiykiman
chayaykusunchiq, imata nisunchaq warmiykiman, ñispa kutichin Tata Benituqa.
Chayta uyarispaqa Tata Angelqa t´ukurin, wawantataq
makisnillampipuni jap´iykachasarqa, ñawisninmantataq waqay t´uqyamun, chaypitaq
umanta alaqpachaman uqharispaqa Jatun Tatanchaqtaqa nerqa, Tatay kutichipuway
wawaytaqa, ama apakapuychu, mana astawan wawasniy kanchu, manaña kausay ñoqapis
munanichu. Ajina waqarikusaqtenqa Robertuqa ñawisnin kicharin tumpata ñintaq,
Tatay, Tatay, yakuta jaywariway ch´aquiyman wañusqaniña, chayta uyariytawanqa k´ala
waqemasisqa anchata kusirikurqanku.
Thaskiy Florencio, usqayta riy yakuman, phawarispa rinayki
tiyan, nerqa Tatanqa. Ari Tatay kunitan kutimusaq ñispa kuticherqa Florencioqa.
Ña Florenciu urqumanta jurayk´usaqtinqa, ulala t´ikamantaqa
ch´uwa yaku p´utumurqa, chayta riqhuspaqa, piskunachus kasarqanku chaypiqa mana
umallikuy atinkuchu, qhawanarikullarqanku, t´ukurinku, parlarikuspataq
tapunarikunku, maymantachus chay ch´uwa yaku lloqsimuchqanta.
Uqtawan Robertuqa ñin, Tatay, Tatay yaku uqyay munani,
chayta uyarispaqa Tata Angelqa, puñuymanta richarinmampis jinaqa makinwan
oqharin chay ch´uwa yakuta uqyachintaq wawantaqa. Chay ch´ua yaku uqyaspaqa
Robertuqa kutiriy qallarin y ulala t´ikataq ch´aquipun kikinpi pisiman, pisi.
Chay p´unchaymanta pachaqa, ch´ua yakuqa
juraykamullasqanpuni urqumantaqa, rintaq juk lark´anta watantinta qarpaspa
chaqrasta. Sapa watataq k´ala runas, warmis y wawas K´ara K´ara nisqa
llaqtitamantaqa, wakichikunku ch´allaq rinankupaq, apanku miqhunatawan, ch´akiytawan,
ña lakhayamusaqtiqñaqa, jula julanisnin phukurinkutaq, takirikunku,
tusurikunkutaq, tususpallapunitaq jurak´aykamunku urqumantaqa sumaq kusisqas,
mañarikuspa Pachamamamantaqa, sumaq wata kananta, chaqrasninku sumaq
poqonanta.
